- ಚೇಸರ್ ಚಿತ್ರದ ಚಿತ್ರೀಕರಣ ಮುಕ್ತಾಯ
- ಮಾಲತಿ ಶೇಖರ್ ಶಿವಮೊಗ್ಗ ನಿರ್ಮಾಣದ, ಎಂ ಜಯರಾಮ್ ನಿರ್ದೇಶನದ ಚಿತ್ರ “ಚೇಸರ್”
- ನಾಯಕ ನಟರಾಗಿ ಸುಮಂತ್ ಶೈಲೇಂದ್ರ, ರಕ್ಷಾ ಮೆನನ್ ಮಿಂಚಿದ್ದಾರೆ
ಉಪೇಂದ್ರ Upendra ಅಭಿನಯಿಸಿರುವ ಬುದ್ಧಿವಂತ 2 ಚಿತ್ರದ ಖ್ಯಾತ ನಿರ್ದೇಶಕ ಎಂ.ಜಯರಾಮ್ ಅವರ ಕೈಚಳಕದಲ್ಲಿ ಮೂಡಿಬರುತ್ತಿರುವ ಚಿತ್ರ “ಚೇಸರ್” ನ Chaser ಚಿತ್ರೀಕರಣ ಮುಕ್ತಾಯಗೊಂಡಿದ್ದು, ಸದ್ಯದಲ್ಲೇ ಟೀಸರ್ ಬಿಡುಗಡೆಗೊಳ್ಳಲಿದೆ. ಮಾಲತಿ ಶೇಖರ್ ಶಿವಮೊಗ್ಗ ಇವರು ಈ ಚಿತ್ರದ ನಿರ್ಮಾಣ ಮಾಡುತ್ತಿದ್ದಾರೆ.
ಲವ್, ಸಸ್ಪೆನ್ಸ್, ಆಕ್ಷನ್ ಚಿತ್ರ
ಸ್ಯಾಂಡಲ್ ವುಡ್ ಹಾಗೂ ಟಾಲಿವುಡ್ ಎರಡರಲ್ಲೂ ಖ್ಯಾತರಾಗಿರುವ ದಿಲ್ವಾಲ ಚಿತ್ರದ ಮೂಲಕ ನಾಯಕ ನಟನಾಗಿ ಗುರುತಿಸಿಕೊಂಡಿರುವ ಸುಮಂತ್ ಶೈಲೇಂದ್ರ ನಾಯಕ ನಟನಾಗಿ, ಹಾಗೂ ರಕ್ಷಾ ಮೆನನ್ ಅವರಿಗೆ ಜೋಡಿಯಾಗಿ ಅಭಿನಯಿಸಿರುವ ಈ ಚಿತ್ರ ಲವ್, ಸಸ್ಪೆನ್ಸ್ ಜಾನರ್ ಕಥಾಹಂದರವನ್ನು ಹೊಂದಿದ್ದು ಆಕ್ಷನ್ ಥ್ರಿಲ್ಲರ್ ಚಿತ್ರವಾಗಿದೆ. ರವಿವರ್ಮ ಅವರ ಸಾಹಸ ನಿರ್ದೇಶನ ಈ ಚಿತ್ರಕ್ಕಿದೆ.
ಅರ್ಜುನ್ ಜನ್ಯ ಅವರ ಸಂಗೀತ ಸಂಯೋಜನೆ, ಕೆ.ಎಸ್. ಚಂದ್ರಶೇಖರ್ ಛಾಯಾಗ್ರಹಣ, ಕೆ.ಎಂ.ಪ್ರಶಾಂತ್ ಸಂಕಲನ ಮಾಡಿದ್ದು, ಮುಖ್ಯಭೂಮಿಕೆಯಲ್ಲಿ ರವಿಶಂಕರ್, ಸಾಧು ಕೋಕಿಲ, ರಂಗಾಯಣ ರಘು, ಕುರಿ ಪ್ರತಾಪ್, ಚಿಕ್ಕಣ್ಣ, ಸುಚೇಂದ್ರ ಪ್ರಸಾದ್, ಕಡ್ಡಿಪುಡಿ ಚಂದ್ರು, ಮುಂತಾದವರು ನಟಿಸಿದ್ದಾರೆ.
