- ಗ್ಲೋಪಿಕ್ಸ್! .. ಡಿಜಿಟಲ್‌ ಮನರಂಜನಾ ಕ್ಷೇತ್ರದ ಹೊಸ ಓಟಿಟಿ ಪ್ಲಾಟ್ ಫಾರ್ಮ್
- ಇದೇ ಮೇ ತಿಂಗಳಲ್ಲಿ ಜಗತ್ತಿಗೆ ತೆರೆದುಕೊಳ್ಳಲಿದೆ ಗ್ಲೋಬಲ್ ಪಿಕ್ಸ್ ಇಂಕ್ ನ “ಗ್ಲೋಪಿಕ್ಸ್
- ಏಕಕಾಲಕ್ಕೆ ಮೂರು ರಾಜ್ಯಗಳಲ್ಲಿ ಲೋಗೋ ಅನಾವರಣ
ಥಿಯೇಟರ್ ಗೆ ಹೋಗಲು ಸಮಯ, ಅವಕಾಶ ಇಲ್ಲದವರಿಗೆ, ಮನೆಯಲ್ಲೇ ಕೂತು ಎಲ್ಲಾ ಭಾಷೆಯ ಮೂವಿಗಳನ್ನು ನೋಡಿ ಆಸ್ವಾದಿಸಬೇಕೆನ್ನುವವರಿಗೆ ಈಗ ಸಿಹಿಸುದ್ದಿ ಇದೆ. ಅಮೆಜಾನ್ ಪ್ರೈಮ್, ನೆಟ್ ಫ್ಲಿಕ್ಸ್ ನಂತಹಾ ವಿಶ್ವ ಮಟ್ಟದ ಒಟಿಟಿಗಳೊಂದಿಗೆ ಸ್ಪರ್ಧಿಸಲು ಇದೀಗ ಹೊಸದೊಂದು ಒಟಿಟಿಯ ಎಂಟ್ರಿ ಆಗ್ತಿದೆ. Global Pix Incನ ಗ್ಲೋಪಿಕ್ಸ್ (Glopixs). ಇತ್ತೀಚೆಗೆ ಕರ್ನಾಟಕ, ಕೇರಳ, ಹೈದರಾಬಾದ್ ನಲ್ಲಿ ಏಕಕಾಲಕ್ಕೆ “ಗ್ಲೋಪಿಕ್ಸ್”ನ ಲೋಗೋ ಅನಾವರಣವಾಗಿದೆ.
ಬೆಂಗಳೂರಿನಲ್ಲಿ ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ಅಧ್ಯಕ್ಷರಾದ ನರಸಿಂಹಲು, ಕನ್ನಡ ಚಲನಚಿತ್ರ ನಿರ್ಮಾಪಕರ ಸಂಘದ ಅಧ್ಯಕ್ಷರಾದ ಉಮೇಶ್ ಬಣಕಾರ್ ಹಾಗೂ ಹಿರಿಯ ಛಾಯಾಗ್ರಾಹಕ, ಸೆನ್ಸಾರ್ ಬೋರ್ಡ್ ಸದಸ್ಯರಾದ ಶ್ರೀವತ್ಸ ಶಾಂಡಿಲ್ಯ ಲೋಗೊ ಅನಾವರಣ ಮಾಡಿರುತ್ತಾರೆ. ಕನ್ನಡ ವಿಭಾದ ಕ್ರಿಯೇಟಿವ್ ಹೆಡ್ ಪ್ರತಿಭಾ ಪಟವರ್ಧನ್ ಹಾಗೂ ಫೈನಾನ್ಸ್ ಚೀಫ್ ಅಡ್ವೈಸರ್ ಮಂಜುನಾಥ್ ಪಟವರ್ಧನ್ ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.
ಭಾರತದ ಬಹುಮುಖ್ಯ ಒಟಿಟಿ ಕನಸು
“Glopixs ಒಟಿಟಿಯಲ್ಲಿ 360-ಡಿಗ್ರಿ ಮನರಂಜನೆ ನೀಡಲು ಯೋಜನೆ ಮಾಡಿದ್ದೇವೆ. ಸಿನಿಮಾ, ವೆಬ್‌ಸಿರೀಸ್‌ ಮಾತ್ರವಲ್ಲದೇ ಸುದ್ದಿಗಳು, ಶೋಗಳು ಹೀಗೆ ಇನ್ನೂ ಹಲವು ಆಯಾಮಗಳಲ್ಲಿ ನೋಡುಗರಿಗೆ ಎಂಟರ್ಟೈನ್ ಮೆಂಟ್ ಕೊಡುವ ಉದ್ದೇಶವಿದೆ.” ಎಂದು ಗ್ಲೋಪಿಕ್ಸ್ ನ ಕನ್ನಡ ವಿಭಾಗದ ಕ್ರಿಯೇಟಿವ್ ಹೆಡ್ ಪ್ರತಿಭಾ ಪಟವರ್ಧನ್ ತಿಳಿಸಿದರು. ಫೌಂಡರ್ ವಿನ್ಸಿ ಹಾಗೂ ಕೋ ಫೌಂಡರ್ ಅನಿತಾ ಅವರ ಮಾರ್ಗದರ್ಶನ ಹೊಸದೊಂದು ಭಾಷ್ಯಕ್ಕೆ ಮುನ್ನುಡಿ ಹಾಡಿದೆ. ಸುಧಾರಿತ ತಂತ್ರಜ್ನಾನವನ್ನು ಉಪಯೋಗಿಸಿ ತಯಾರಿಸಿದ ಭಾರತದ ಮೈನ್ ಒಟಿಟಿ ಆಗುವ ಕನಸು ಹೊಂದಿರುವ ತಂಡ ಇದೇ ವರ್ಷದ ಮೇ ತಿಂಗಳಲ್ಲಿ ಒಟಿಟಿ ಯನ್ನು ಅಧಿಕೃತವಾಗಿ ಲಾಂಚ್‌ ಮಾಡುವ ಪ್ಲಾನ್ ಹೊಂದಿದೆ.
ಬಹುಭಾಷಾ ವೈವಿಧ್ಯಮಯ ಕಂಟೆಂಟ್
ಈ ಒಟಿಟಿ ವೇದಿಕೆಯಲ್ಲಿ ವೈವಿಧ್ಯಮಯ ಕಂಟೆಂಟ್ ನೀಡುವ ಕನಸು ತಂಡದ್ದು. ಪ್ರಾದೇಶಿಕತೆಗೆ ಹೆಚ್ಚಿನ ಪ್ರಾಶಸ್ತ್ಯ ನೀಡಲಾಗಿದ್ದು, ಸಿನಿಮಾಗಳು, ವೆಬ್ ಸರಣಿಗಳು, ಸಾಕ್ಷ್ಯಚಿತ್ರಗಳು, ಸುದ್ದಿಗಳು ಮತ್ತು ರಿಯಾಲಿಟಿ ಶೋಗಳ ಕಂಟೆಂಟ್‌ಗಳು ಸಿಗಲಿದೆ. ಭೋಜ್‌ಪುರಿ, ತಮಿಳು, ಇಂಗ್ಲಿಷ್, ಕನ್ನಡ, ಗುಜರಾತಿ, ಬಂಗಾಳಿ ಮತ್ತು ಮಲಯಾಳಂ ಕಂಟೆಂಟ್‌ಗಳು ವೀಕ್ಷಣೆಗೆ ಸಿಗಲಿವೆ. ವೆಬ್, ಮೊಬೈಲ್ ಮತ್ತು ಟ್ಯಾಬ್ಲೆಟ್ ಬಳಕೆದಾರರಿಗೆ ಇದು ಯೂಸರ್‌ ಫ್ರೆಂಡ್ಲಿ ವೇದಿಕೆ ಆಗಿರಲಿದೆ.
