- ಚಿತ್ರೀಕರಣ ಪೂರೈಸಿ ಬಿಡುಗಡೆಗೆ ಸಿದ್ಧವಾದ “ಕಾಲನಾಗಿಣಿ”
- ಅರ್ಜುನ್ ವೇದಾಂತ, ಹರ್ಷಿಕಾ ಪೂಣಚ್ಚ ಮುಖ್ಯಪಾತ್ರಗಳಲ್ಲಿ ನಟಿಸಿರುವವ ಚಿತ್ರ
- ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆಗೊಳಿಸಿ ಶುಭಕೋರಿದ್ದಾರೆ ಅಶ್ವಿನಿ ಪುನೀತ್ ರಾಜ್ ಕುಮಾರ್
ಮಧುರಾ ಮೂವೀಸ್ ಬ್ಯಾನರ್ ಅಡಿಯಲ್ಲಿ ರಕ್ಷಿತಾ ಗೌಡ ನಿರ್ಮಿಸಿರುವ, ಮಧು ಮರಿಸ್ವಾಮಿ ಯೋಜನಾ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸಿ, ವಿಶ್ರುತ್ ನಾಯಕ್ ಆಕ್ಷನ್ ಕಟ್ ಹೇಳಿರುವ ಚಿತ್ರ “ಕಾಲನಾಗಿಣಿ”. ಇದರ ಚಿತ್ರೀಕರಣ ಮುಗಿದಿದ್ದು ಫಸ್ಟ್ ಲುಕ್ ಪೋಸ್ಟರ್ ಅಶ್ವಿನಿ ಪುನೀತ್ ರಾಜ್ ಕುಮಾರ್ ಅವರಿಂದ ಬಿಡುಗಡೆಗೊಂಡಿದೆ. ಇದೊಂದು ಫ್ಯಾಂಟಸಿ ಡ್ರಾಮಾ ಸಿನಿಮಾವೆಂದು ಹೇಳಲಾಗಿದ್ದು, ಎಮೋಷನ್ಸ್, ಆ್ಯಕ್ಷನ್ ಮತ್ತು ಸಸ್ಪೆನ್ಸ್‌ನ ಮಿಶ್ರಣವಾಗಿದೆ. ಈ ಸಿನಿಮಾ ಜೂನ್‌ನಲ್ಲಿ ಬಿಡುಗಡೆಯಾಗಲಿದೆ.
ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಅರ್ಜುನ್ ವೇದಾಂತ್, ಹರ್ಷಿಕಾ ಪೂಣಚ್ಚ ಮಿಂಚಿದ್ದು, ಪೋಷಕ ಪಾತ್ರವರ್ಗದಲ್ಲಿ ಅವಿನಾಶ್, ಶರತ್ ಲೋಹಿತಾಶ್ವ, ಉಗ್ರಂ ಮಂಜು ಮತ್ತು ವಿಜಯ್ ಚೆಂಡೂರ್ ಮುಂತಾದವರು ಇದ್ದಾರೆ. ಚಿತ್ರಕ್ಕೆ ಅರುಣ್ ಸುರೇಶ್‌ಛಾಯಾಗ್ರಹಣ, ಸತೀಶ್ ಬಾಬು ಸಂಗೀತ ಸಂಯೋಜನೆ ಇದೆ. ಎಂಎನ್ ವಿಶ್ವ ಅವರು ಸಂಕಲನದ ಜವಾಬ್ದಾರಿಯನ್ನು ವಹಿಸಿಕೊಂಡಿದ್ದರೆ, ನರಸಿಂಹ ಸಾಹಸ ನೃತ್ಯ ಸಂಯೋಜನೆ, ಧನಕುಮಾರ್ ನೃತ್ಯ ಸಂಯೋಜನೆ ಮತ್ತು ಲಕ್ಷವೇದ್ ಸಂಗಮೇಶ್ ವಿಎಫ್‌ಎಕ್ಸ್ ಮಾಡಿದ್ದಾರೆ. ಫಸ್ಟ್ ಲುಕ್ ಪೋಸ್ಟರ್‌ನಲ್ಲಿ ಹರ್ಷಿಕಾ ಹಾವಿನ ಆಕಾರದಲ್ಲಿ ಕಾಣಿಸಿಕೊಂಡಿದ್ದಾರೆ.
