- ಆಟೋ ಆಂಬ್ಯುಲೆನ್ಸ್ ಚಾಲಕನ ಕಾಮಿಡಿ ಪ್ರಧಾನ ಕತೆ ಹೇಳಲು ಬರ್ತಿದೆ “ಎಕ್ಸ್ ಅಂಡ್ ವೈ”
- ಟ್ರೈಲರ್ ರಿಲೀಸ್ ಆಗಿದ್ದು ಈ ಸಿನಿಮಾ ಇದೇ ಜೂ. 26 ಕ್ಕೆ ತೆರೆಗಪ್ಪಳಿಸಿದೆ.
- ನಿರ್ದೇಶಕ ಡಿ ಸತ್ಯಪ್ರಕಾಶ್ ಅವರು ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ
ಈಗಾಗಲೇ ಪೋಸ್ಟರ್ ಮೂಲಕ ಕುತೂಹಲ ಹುಟ್ಟಿಸಿರುವ “ಎಕ್ಸ್ ಅಂಡ್ ವೈ” X and Y ಚಿತ್ರದ ಟ್ರೈಲರ್ ರಿಲೀಸ್ ಆಗಿದ್ದು ಈ ಸಿನಿಮಾ ಇದೇ ಜೂ. 26 ಕ್ಕೆ ತೆರೆಗಪ್ಪಳಿಸಿದೆ. ಸಿನಿಮಾದ ಟ್ರೈಲರ್, ಪೋಸ್ಟರ್ ರೀತಿಯಲ್ಲೇ ಕುತೂಹಲ ಮೂಡಿಸಿದೆ. ಕನ್ನಡಕ್ಕೆ ರಾಮಾ ರಾಮಾ ರೇ, ಒಂದಲ್ಲ ಎರಡಲ್ಲಾ ಮತ್ತು ಮ್ಯಾನ್ ಆಫ್ ದಿ ಮ್ಯಾಚ್ ನಂತಹ ಒಳ್ಳೊಳ್ಳೆ ಸಿನಿಮಾಗಳನ್ನು ನೀಡಿದ ನಿರ್ದೇಶಕ ಡಿ ಸತ್ಯಪ್ರಕಾಶ್ D Sathyaprakash ಅವರು ಈ ಚಿತ್ರವನ್ನು ನಿರ್ದೇಶಿಸುವುದರ ಜೊತೆಗೆ ಸಿನಿಮಾ ಕತೆ , ಚಿತ್ರಕತೆ, ಸಂಭಾಷಣೆಯನ್ನೂ ಬರೆದಿದ್ದಾರೆ. ಈ ಚಿತ್ರವನ್ನು ಸತ್ಯ ಪಿಕ್ಚರ್ಸ್ Sathya Pictures ನಿರ್ಮಾಣ ಮಾಡಿದೆ.
ಚಿತ್ರ ಕಲಾವಿದರ ತಂಡ ಹೀಗಿದೆ
ಚಿತ್ರಕ್ಕೆ ಲವಿತ್ ಅವರ ಛಾಯಾಗ್ರಹಣ, ಬಿ.ಎನ್.ಕೆಂಪರಾಜು, ಕೌಶಿಕ್ ಹರ್ಷ ಸಂಗೀತ ನಿರ್ದೇಶನ ಹಾಗೂ ವರದರಾಜ್ ಕಾಮತ್ ಅವರ ಕಲಾ ನಿರ್ದೇಶನವಿದೆ. ಬೃಂದಾ ಆಚಾರ್ಯ, ಡಿ.ಸತ್ಯಪ್ರಕಾಶ್, ಅಯಾನ, ಅಥರ್ವ ಪ್ರಕಾಶ್, ದೊಡ್ಡಣ್ಣ, ವೀಣಾಸುಂದರ್, ಸುಂದರ್ ವೀಣಾ, ಹರಿಣಿ, ಧರ್ಮಣ್ಣ ಕಡೂರು, ತೇನಪ್ಪನ್ ಮೊದಲಾದವರು ನಟಿಸಿದ್ದಾರೆ. “ಎಕ್ಸ್ ಅಂಡ್ ವೈ” ಸಿನಿಮಾ ಆಟೋ ಆಂಬ್ಯುಲೆನ್ಸ್ ಚಾಲಕನ ಕಾಮಿಡಿ ಜರ್ನಿ ಕುರಿತ ಚಿತ್ರವಾಗಿದ್ದು, ಹಾಸ್ಯದ ಜೊತೆಜೊತೆಗೆ ವಿಭಿನ್ನವಾದ ಕಥಾ ಹಂದರ ಹೊಂದಿದೆ.
