- ಮಧುರ ಮಧುರವೀ ಹಾಸ್ಯ ಗಾನ- ನಗು ಹುಟ್ಟಿಸುವ ಹಾಡುಗಳ ಲಿಸ್ಟ್ ಇಲ್ಲಿದೆ
- ಮುಖದ ತುಂಬಾ ನಗು ಮೂಡಿಸುವ ಹಾಡುಗಳು
- ಸಾಹಿತ್ಯ, ಸಂಗೀತದಲ್ಲೂ ಹಾಸ್ಯ ರಸಾಯನ
ಕನ್ನಡ ಚಿತ್ರದ ಈ ಹಾಡುಗಳ, ಸಾಹಿತ್ಯವೂ, ಈ ಹಾಡಿಗೆ ಕುಣಿವ ನಟನಟಿಯರ ನಟನೆಯೂ, ಹಾಡಿನ ದಾಟಿಯೂ ಸಾಮಾನ್ಯ ಪ್ರೇಕ್ಷಕರಿಗೂ ನಕ್ಕು ನಗಿಸುತ್ತದೆ. ಇಲ್ಲಿದೆ ನೋಡಿ ಕನ್ನಡದ ಅಪರೂಪದ ಕೆಲ ಕಾಮಿಡಿ ಹಾಡುಗಳ ಲಿಸ್ಟ್
ಕತ್ಲಲ್ಲಿ ಕರಡಿಗೆ ಜಾಮೂನು ತಿನ್ನಿಸೋಕೆ ಯಾವತ್ತೂ ಹೋಗ್ಬಾರ್ದು ರೀ:
ಪ್ರೀತಿ, ಹೆಂಡತಿ,ಸಂಸಾರಿಕ ಕತೆ, ತುಂಟಾಟ ಎಲ್ಲವೂ ಇರುವ ಈ ಹಾಡು ಪುನಿತ್ ರಾಜ್ ಕುಮಾರ್ ನಟಿಸಿದ ಪರಮಾತ್ಮ ಚಿತ್ರದ್ದು, ವಿ ಹರಿಕೃಷ್ಣ ಹಾಡಿದ ಹಾಡಿಗೆ ಯೋಗರಾಜ್ ಭಟ್ ಕಾಮಿಕಲ್ ಸಾಹಿತ್ಯವಿದೆ.
ಯಾರಿಗ್ ಹೇಳೋಣ ನಮ್ಮ ಪ್ರಾಬ್ಲಂ:
ಲೈಫು ಇಷ್ಟೇನೇ ಚಿತ್ರದ ಈ ಕಾಮಿಕಲ್ ಹಾಡು ಬದುಕಿನ ಒಂದಷ್ಟು ಜಂಜಾಟಗಳನ್ನು ಸೀರಿಯಸ್ ಹಾಸ್ಯದ ದಾಟಿಯಲ್ಲಿ ಪ್ರಸ್ತುತಪಡಿಸುತ್ತದೆ. ದಿಗಂತ್ ನಟನೆಯಿರುವ ಈ ಹಾಡಿಗೆ ಯೋಗರಾಜ್ ಭಟ್ ಸಾಹಿತ್ಯ, ಚೇತನ್ ಸೋಸ್ಕಾ ಕಂಠಸಿರಿಯಿದೆ.
ಕೋಳಿನ ಸೋಮ್ವಾರ ಶನಿವಾರ ಕೊಯ್ಯಂಗಿಲ್ಲ:
ಈ ಹಾಡು ಶಿವರಾಜ್ ಕುಮಾರ್ ಅಭಿನಯದ ಜೋಗಯ್ಯ ಚಿತ್ರದ್ದು. ಕೈಲಾಶ್ ಖೇರ್, ವಿಜಯ ಪ್ರಕಾಶ್ ಶ್ರೇಯಾ ಗೋಷಾಲ್ ಹಾಡಿದ ಈ ಹಾಡಿಗೆ ಪ್ರೇಮ್ ಸಾಹಿತ್ಯವಿದೆ. ನಂಬಿಕೆ ಮತ್ತು ಜೀವನದ ಕೆಲವೊಂದು ಸ್ವಾರಸ್ಯಗಳು ಇಲ್ಲಿ ಹಾಸ್ಯವಾಗಿ ಮೂಡಿಬಂದಿದೆ.
ಪ್ಯಾರ್ ಗೆ ಆಗ್ಬುಟೈತೆ ನಮ್ದುಗೆ:
“ಗೋವಿಂದಾಯ ನಮಃ”ಎನ್ನುವ ಚಿತ್ರದ ಹಾಡಿದು. ಕೋಮಲ್ ನಟಿಸಿರುವ ಈ ಚಿತ್ರದ ಹಾಡಿನಲ್ಲಿ ಪ್ರೀತಿ ಪ್ರೇಮ ಪ್ರಣಯದ ಸ್ಪರ್ಶವಿದೆ. ನಗು ಉಕ್ಕಿಸುವ ಸಾಹಿತ್ಯ ಇಲ್ಲಿದೆ. , ಚೇತನ್ ಸೋಸ್ಕಾ, ಇಂದು ನಾಗರಾಜ್ ಹಾಡಿರುವ ಈ ಹಾಡಿಗೆ ಪವನ್ ಒಡೆಯರ್ ಸಾಹಿತ್ಯವಿದೆ.
